老豆：

上年fest你有嚟玩，好似都玩得幾開心（？），雖然當日因為要教班好忙，...

老豆：

上年fest你有嚟玩，好似都玩得幾開心（？），雖然當日因為要教班好忙，招呼唔到你哋，聽講你坐起個位玩櫈，我都唔係好記得人哋講咩啦⋯⋯
今年你冇得嚟，以後你都唔會再睇到先冇咩成果，有咩成就，我唔相信「起天上面會見到乜乜乜」嘅講法，往後只可以由我去認同我自己。其實我好想叻俾你睇，你做嘢好嚴謹，我冇你咁勁，行嘅路唔同，你未必明白我做緊乜，點解咁做好似唔完美都覺得好睇。
當初我因為錢，對於入唔入lab係好懷疑，入咗圍再睇一睇租金，覺得自己付擔唔到，好彩我都唔需要借錢應付租金。嗰陣我擺緊巿集打俾你，問好唔好join lab，你話我擺咗咁多心機時間落去，仲想維持e個level幾耐（原句唔係咁，我收到意思大概係咁），我就join咗lab，好努力咁做，都好攰，神社係我嘅世界，放得好大，要好努力，因為我想去下一個level⋯⋯
有時聽人講要點做點做先可以接多啲job，其實我要嘅好似唔係錢，生活需要係要錢，但我想做一啲改變，對社會嘅改變，例如教人點看待情緒、點樣尊重freelancer、點樣對人open mind⋯⋯
記得你唔再講到嘢，用口形、沙啞微弱嘅聲線同寫紙，話俾我聽我開始有知名度，即使我到宜家都唔覺得係，但我先知道原來你睇到，有發現我努力，當然可能你都係會話我唔夠努力，因為我起屋企成日打機又瞓好耐。
但係好與壞你唔會再睇到。

P.S. 以前你都會睇下fb神社post啲乜

大女 上
2021.08.17

---